دوو پلەداری سەربازیی عێراق لە پۆستەکانیان دوور خرانەوە
بە فەرمانی وەزیری بەرگریی عێراق، سابت عەباسی ھەریەک لە فەرماندەی بنکەی تاجی باکووری بەغدا و بەڕێوەبەری بەشی ھەواڵگریی بنکەکە، بەھۆی کەمتەرخەمی لە جێبەجێکردنی ئەرکەکانیاندا لە پۆستەکانیان دوور خرانەوە و رەوانەی لێکۆڵینەوە کران.
وەزارەتی بەرگریی بەرگریی عێراق لە راگەیەندراوێکدا ئاماژەی بەوەداوە، دوای ئەوەی وەزیری بەرگریی، سابت عەباسی بنکەی تاجی بەسەرکردەوە و تیایدا ئەوە بینیوە کە ھەریەک لە فەرماندەی بنکەی تاجی و بەڕێوەبەری بەشی ھەواڵگریی بنکەکە لە جێبەجێ کردنی ئەرکەکانیاندا کەمتەرخەمیان کردووە.
راشیگەیاندووە کە لەبەر ئەوە بە فەرمانی وەزیری بەرگریی، فەرماندەی بنکەی تاجی و بەڕێوەبەری بەشی ھەواڵگریی بنکەکە لە پۆستەکانیان دوور خراونەتەوە و رەوانەی لێکۆڵینەوە کراون.
لە راگەیەندراوەکەدا، ئاماژە بە ناوی ئەو پلەدارە سەربازییانە نەکراوە کە دوورخراونەتەوە.