هەواڵی کوردستان ئێستا

شەفەق نیوز/ پولیس کینیا، ئمڕوو دووشەممە، دراوردن ٥٨ لاشە راگەیان، فرەیان لەناو کۆمەڵە قەورسانیگ لەناو دارسانیگ خوەرھەڵات وڵاتەگە بوینە، و مەزەنە کریاگە یانە لایەنگر مەزهەویگ مەسیحی بوینە باوەڕ داشتنە ک ئەگەر لە ورسگی بمرن چنە بەهەشت، و هاتێ شمارەی قوربانیەیل ک یە چەن جاریگە زیای بوود، هەمیش وەگەرد مینەکردن تەرمەیل زیاترەو بوود. 

خاج سوور کینیا وت: ئاگادار نویسینگەیگ لەناو خەسەخانەیگ کریا ک ئەرا مینەکردن بیسەروشوینەیل دروس کریاگە، وە بیسەروشوینی ١١٢ کەس.

لایەنگرەیل ئی مەزهەوە ک ناو خوەیان نانە وە "کلیسای گود نيوز ناودەوڵەتی" لەبان زەوییگ ٨٠٠ فەدان لە مەردم جیاوە بوینە، لەناو دارسان شکاهولا.

جافیت کەمی وەرپرس پولیس کینیا ک سەردان شوین رویداوەگە کرد وت: ٥٠ کەس لەناو کوشیاگەیل لەناو کۆمەڵە قەورسان پەیا کریانە، وەگەرد ٨ کەسیش وەزنی پەیا کریان، وەلێ فرە لەڕ بوینە و دویای ئەوە مردن.

 وتیش؛ ٢٩ کەس رزگار کریا، و هیمان پولیس مینەی کەسەیلیگتر کەێد شایەت زنی بوون.

بول ماکینزی ریبەر مەزهەوەگە لە ١٤ی نیسان دەسگیر کریا، ئەوەیش دویای ئاگادارییگ لە قەور ٣١ کەس لە لایەنگرەیلی.