هەواڵی کوردستان ئێستا

دیجیتال میدیای سپێده‌

وەزارەتی دەرەوەی ئەمریكا، رایگەیاند: لایەنەكانی سوودان ئاگربەستێكی 72 كاتژمێرییان راگەیاندووە.

ئەنتۆنی بلینكن وەزیری دەرەوەی ئەمریكا لەبارەی پێكدادانەكانی سوودانەوە رایگەیاندوە: دوای دانوستانێكی چڕوپڕ بۆ ماوەی 24 كاتژمێر، سوپای سوودان وهێزەكانی پشتیوانی خێرا گەیشتنە رێككەوتن بۆ ئەوەی بۆ ماوەی 72 كاتژمێر ئاگربەست لەسەرتاسەری وڵات رابگەیەنن.

بلینكن، ئاماژەی بەوەشكردوە: ئاگربەستەكە لەنیوەشەوی 24 لەسەر 25ی نیسانەوە دەستی پێ دەكات.

وەزیری دەرەوەی ئەمریكا پشتیوانی تەواوی واشنتۆنی خراوەتە روو بۆ كاركردنی تەواوەتی بەئاگربەستەكە بەدرێژایی ماوەی ئەو 72 كاتژمێرە و ئاماژەی بەوەشكردوە: بۆ كۆتایی هێنان بەپێكدادانەكان، ئەمریكا لەگەڵ هاوبەشە ناوچەیی ونێودەوڵەتییەكانی وبەهەماهەنگی لەگەڵ هاوبەشە مەدەنییە سوودانییەكان پێكەوە كار دەكات و رۆڵی یارمەتیدەر دەگێڕێت بۆ چاودێریكردنی پرۆسەی ئاگربەستەكە.

لایخۆیشیەوە هێزەكانی پشتیوانی خێرا لەهەژماری فەرمی خۆی لەتویتەر ئاماژەی بەوە داوە: بەنێوەندگیری ئەمریكا وبەمەبەستی دروستكردنی رێڕەوی مرۆیی بۆ گواستنەوەی هاوڵاتیانی مەدەنی لەناوچەكانی پێكدادانەكان ونێردە دیپلۆماتییەكان بەئاگربەستەكە رازی بووە.