لەخەرتۆمی پایتەختی سوودان پشووی فەرمی راگەیاندراوە
دیجیتال میدیای سپێده
حكومەتی ویلایەتی خەرتۆمی پایتەختی سوودان بۆ كاتێكی نادیار پشووی فەرمی رایگەیاندوە، ئەمەش بەهۆی بەردەوامی پێكدادانەكان لەنێوان سوپا وهێزەكانی پشتیوانی خێرا لەپایتەختدا.
حكومەتی ویلایەتی خەرتۆم، ئەمرۆ لەبڵاوكراوەیەكدا ئاماژەی بەوەكردوە: پشووی فەرمی لەتەواوی دام ودەزگاكانی دەوڵەتدا رایگەیاندوە، وتا كاتێكی نادیاریش بەردەوام دەبێت.
ئاماژەی بەوەشكردوە: بەهۆی ئەو دۆخە ئەمنییەی كەلەویلایەتی خەرتۆم دا دروستبووە، وحكومەت بریاری داوە بەراگەیاندنی پشوی فەرمی، وتەنها ژووری ئۆپەراسیۆنەكانی قەیرانەكان و خزمەتگوزارییەكان ناگرێتەوە.
هەرچەندە لەرۆژی پێنج شەممەی رابردوو، ئاگربەستی فەرمی لەنێوانیان راگەیاندبوو، جارێكی دیكە لەدوێنێوە پێكدادانەكان لەنێوان سوپای سودان وهێزەكانی پشتیوانی خێرا لەخەرتۆمی پایتەخت وچەند ناوچەیەكی دیكە دەستیپێكردوە.
