هەواڵی کوردستان ئێستا

دیجیتال میدیای سپێده‌

له‌ 1 ئایاری رۆژی جیهانی كرێكاران ئەنجومەنی باڵای كاسبكارانی يەكگرتوو رایده‌گه‌یه‌نێت،" پیرۆزبایی گەرم ئاراستەی ئاراستەي کرێکارانی كوردستان دەکەين و دەستی ماندوويان دەگوشين".

ده‌قی راگه‌یه‌نراوه‌كه‌:

بەناوی خوای بەخشندەی میهرەبان
لەبۆنەی ڕۆژی جیهانی كرێکاراندا
سڵاو و بەرەکەتی ئیلاهی بۆ سەرجەم زەحمەتکێشانی بواری ئاوەدانی

لەڕۆژی جيهانی كرێكاراندا پیرۆزبایی گەرم ئاراستەی ئاراستەي کرێکارانی كوردستان دەکەين و دەستی ماندوويان دەگوشين، كرێكاران زامنی پێشکەوتن و بەردی بناغەی ئاوەدانی و ئەندازیارانی مەیدانی بيناسازی و بەرەوپێشبردنی کەرتە جۆراو جۆر و جياوازەكانی ژیانی گشتين، بۆیە پێویستە بايەخدان بە توێژی كرێكاران و دەستەبەركردنی مافەكانيان، لە ئەولەوییەتی حكومەت و وەزارەتە پەیوەندیدارەکاندا بێت، خەمی زياتريی بژێوی و پاراستنی سەلامەتيان ئەرکی بنچینەیی حكومەتە و نابێت بەهيچ جۆرێك فەرامۆش بكرێت.

خوای گەورە پشتیوان و یارمەتیدەری كرێکاران بێت لە دەستەبەرکردنی ئارامی و ئاسايش و دەرفەتی كار و سەلامەتيان لە هەر ميحنەت و كارەساتێك، بەهيوای ئايندەيەکي باشتر و ژیانێکی دەستەبەرکراوتر بۆ هەموان.
سەربەرز و سەلامەت بن .

ئەنجومەنی باڵای كاسبكارانی يەكگرتوو
1/ ئاياری / 2023