هەواڵی کوردستان ئێستا

شەفەق نیوز/ وەزارەت ناوخۆ لە حکومەت هەرێم کوردستان، ئمڕوو پەنجشەممە، نیاز دەسناین وەبان هەر چەکیگ لەدەس هاووڵاتیەیل یا ئەندامەیل ئەمنی راگەیان، ئەگەر مووڵەت نەیاشتوود، دویای ئەو دەرفەت ٨٠ رووژە ک وەلایەن ڕێبەر ئەحمەد وەزیر دریا.

موقەدەم کارزان ئەمیر غەفوری قسەکەر وەڕیەوبەرایەتی پولیس گشتی لە کۆنگرەیگ رووژنامەوانی ئاژانس شەفەق نیوز ئامادەی بوی وت: ئەو هاووڵاتیەیلە ک داوای مووڵەت چەک پیشکەش کەن، بەڵگەیگ وەپیان دریەێد، و دویای ٢١ تەمووز ئایندە جویر نا یاسایی وەگەرد هەر چەکیگ بیمووڵەت رەفتار کریەێد، و هەڵگری سزا دریەێد.

غەفوری وتیش: تا ئیسە شمارەیگ لە چەک هاووڵاتیەیل توومار کریاگە، و ئیسە چەک پیشمەرگە و هیزەیل ئەمنییش وە گشت چینەیلیان توومار کریا، و دووپات کرد ک دویای ئی توومارکردنە، گشت چەکەیل توومار کریەن، وەو شیوە ک زانستن هویردەکاریەیل هەڵگری ئاسانتر بوود.

وەرجەیە، وەزارەت ناوخۆی هەرێم کوردستان، رووژ ٢١ تەمووز ئایندە دیاری کرد جویر دویاترین مەوقەیگ ئەرا توومارکردن چەک بیمووڵەت، لە وەختیگ هەڕەشەی سزایگ دا ک رەسێدە سێ ساڵ زیندانی ئەرا هەر کەسیگ چەک بیمووڵەت وەپی بوود.