هەواڵی کوردستان ئێستا

شەفەق نیوز/ شیروان قەرتاس سەرۆک زانکۆی سۆران و ئەندام دەسەی باڵای ئامادەکردن کۆنگرەی ناودەوڵەتی ئەرا جینۆسایدکردن کورد فەیلی، داوای داناین یاسایگ ئەرا دروسکردن دادگایگ تایبەت وە جینۆساید کرد.

قەرتاس لە وتاریگ لەناو ئەو کۆنگرە ک ئاژانس شەفەق نیوز ئامادەی بوی وت: داوای دامەزریان دامەزراوەیگ ئەرا کاروبار کوردەیل فەیلی وەلایەن حکومەت هەرێم کوردستان کەیمن، و پێشنیار کەیمن حکومەت عراق پابەند وە رێککەفتن رۆما بوود.

هەمیش پێشنیار ئەرا پەرلەمان عراق کرد دادگایگ تایبەت وە جینۆسایدکردن دانەێد، و بایەتە حکومەت هەرێم کوردستان بوودجەیگ ئەرا قەرەبووکردن زەرەدمەنەیل بخەێدە پشتدەس.

قەرتاس داوا لە سەرۆک کۆمار کرد وە فەرمی داوای وەخشین لە کوردیل فەیلی بکەێد، و جینۆسایدکردن کورد فەیلی بخەێدە ناو برۆگرام خوەنەواری لە مەکتەوەیل، و زوور لە گرنگی چارەسەکردن گرفتەیل ناسنامەی کورد فەیلی کرد.