بنگەهێ لالش ل دهۆكێ ل سەر جەژنا رۆژیێن ئێزی بەیاننامەكێ بەلاڤ دكەت
دەستەیا بلندا بنگەهێ لالش یێ رەوشەنبیری و كۆمەلایەتی ل دهۆكێ بەیاننامەك لسەر جەژنا رۆژیێن ئێزی بەلاڤكر و تێدا هاتیە كو بۆ سالا پێنجێ دوڤ ئێك ل سەر مەرا دبۆرن ژبەر هێرشا تیرۆرستێن داعش، و ئەم ب دلەكی شكەستی و كۆڤان جەژنا خۆ دگێرین، هێشتا ب دەهان هەزار ژ خەلكێ مە دخیڤەتاندا دژین ب دەهان هەزاران كۆچبەری دەرڤەی وەلاتی بووینە بۆ پەیداكرنا ژیانەكا باشتر بۆ پێشەرۆژا خۆ و زارۆكێن خۆ.
دەستەیا بلندا بنگەهێ لالش یێ رەوشەنبیری و كۆمەلایەتی ل دهۆكێ بەیاننامەك كو دانەك دەست (باسنیوز) كەڤیتە تێدا دبێژە: "هێشتا 2 ھەزار و 889كەسێن ئێزدی دبێ سەروشوونن،ژوانا 1309مێنە و 1580نێر و تشتەكی ژ وانا نزانین ل بیرا مە بێت،ژبلی بێزاربوونا مە كو هەتا هەتایێ ژدەست بدەین ، ئەم وەك كوردێن ئێزدی، مە دڤێت بیردانكا جیهانێ بهەژینن و دەرگەهێ هەموو گەلێن خودان شارستانیەت ب قوتین،هیڤیخوازین جینۆسایدا ئێزدیا ل پێش چاڤێ وان بت،و ئەم دووپات دكەین كو كاریگەریا دەست بسەرداگرتنا شنگال و بزاڤێن كۆمكوژیا ئێزدیان ب داوی نەهاتنە، و ل نێزیك ب داوی نائێت،دووپات دكەین كو جڤاكێ ئێزدی پێتڤی ب هاریكاری و پشتەڤانیێ یە ل هەموو ئاستان،و ئەم كەیفخۆش نابین هەتا هەموو گرتیێن ئێزدی ڤەدگەرنە ناڤ كەس و كارێن خۆ، و هەموو ئاوارە ڤەگەرنە سەر جیێن خۆ، ب هەماهەنگی لگەل سەركردایەتیا هەرێما كوردستانێ".
خۆیا ژی دكەن كو سەرەرای ئەو چەندا هاتی سەرێ مە ژ وێرانكرن و كارەساتا ئەم گرێدایی، هیڤی و ئاواتێن خۆنە مینا باب و كالێن خۆ،و دوپات دكەین قورتالكرنا مە دكورستانەكا ب هێز و گەشە دایە و تێدا دادپەروەری و ئازادی و وەكهەڤی و تەناهی،و ئەم هەست بڤێ چەندێ دكەین ب شێوەیە‌كی رۆن و ئاشكەرا درێبازا سیاسی یا سەرۆكاتیا هەرێمێ و سەرۆكاتیا حكوومەتێ دا،و ب راسپاردەیێن حكمەتا سەرۆك بارزانی.