تره‌مپ پشتگيرى له ده‌رمانيگ ئه‌را چاره‌سه‌ر كۆرنا ئه‌كا: وه‌كارى ئه‌يه‌رم
2020-04-05 00:00:00 - سەرچاوە: شـه‌فـه‌ق نيـوز
شه‌فه‌ق نيوز/ دۆناڵد تره‌مپ سه‌رۆك ئه‌مريكا، پيشتگيرى خوه‌ى نيشاندا ئه‌را ده‌رمانيگ ك هيمان ها ژير تاقيكارى ئه‌را چاره‌سه‌ر ڤايرۆس كۆرۆناى تازه‌و وت: ئه‌ى ده‌رمانه وه‌كار ئه‌يه‌رم و له هه‌مان وه‌خت هان مه‌ردمان تريش دا ئه‌را وه‌كارهاوردنى دوياى ره‌زامه‌نى پزيشكه‌يل.
تره‌مپ وت: ئى دره‌مانه وه‌كار ئه‌يه‌رم و بايه‌سه پرسيار له پزيشكه‌يلم بكه‌م، يه‌يش له‌وه‌ختيگ هه‌فته‌ى گوزه‌يشت ليژنه‌يگ ئۆرپى وت: هيمان كارايى ئى ده‌رمانه له چاره‌سه‌ر كۆرۆنا ئسپات نه‌ويه.
جى باسه، لێدوانه‌يل تره‌مپ له‌باره‌ى وه‌كارهاوردن ده‌رمان"هێدروكسى كلۆرۆكوين"ئه‌را له‌ناوبردن مه‌لاريا له‌وه‌ر خاتر چاره‌سه‌ر كۆرۆنا رينماييگ بوى ئه‌را هانداين مه‌ردم ك هه‌رچه‌نى ده‌رمانه هيمان ها ژير تاقيكارى.