"پەرلەمانی عێراق رێككەوتنێكیان كردوە لەبارەی زیاتركردنی گۆژمەی گەشەپێدانی هەرێمەكان"
2023-05-13 00:00:00 - سەرچاوە: سپێده
ئەندامێكی پەرلەمانی عێراق ئاشكرایكردوە: پەرلەمان رێككەوتنێكیان كردوە لەبارەی زیاتركردنی گۆژمەی گەشەپێدانی هەرێمەكان بۆ پێنج ترلیۆن دینار لەبودجەی گشتی دا.
موحەمەد قوتەیبە، ئەندامی پەرلەمانی عێراق رایگەیاندوە: گۆژمەی گەشەپێدانی هەرێمەكان، بودجەی هەرە گرنگی پارێزگاكانە، بەوەی دەبێتە بزوێنەری راستەقینەی پرۆژەكان وئاوەدانكردنەوە ودابینكردنی خزمەتگوزاری سەرەتایی، وگوتی: ئەوەی لەبودجەی گشتی دا دابینكراوە، شتێكی دیاریكراوە وپێداویستییە راستەقینەكانی پارێزگاكانیش پڕناكاتەوە.
ئاماژەی بەوەشكردوە: سێ ئەگەری سەرەكی هەن كەوایكردوە پەرلەمان هانبدات بۆ زیاتركردنی داهاتی گەشەپێدانی هەرێمەكان بۆ پێنج ترلیۆن دینار، لەوانەش بەردەوامیدان بەپرۆژەكان.
