فڕۆکەیەکی جەنگیی و هێلیکۆپتەرێک لە ناوچەی بریانسکی رووسیا کەوتنەخوارەوە
2023-05-13 00:00:00 - سەرچاوە: سپێده
دیجیتال میدیای سپێدە
لە ناوچەی بریانسکی رووسیا، فڕۆکەیەکی جەنگیی جۆری "Su-34" و هێلیکۆپتەرێکی جۆری "Mi-8" کەوتنەخوارەوە.
ئاژانسی هەواڵی رووسی TASS، لە هەواڵێکدا کە بە پشتبەستن بە بەرپرسانی خزمەتگوزاری بەپەلەی ناوخۆ بڵاوی کردووەتەوە، بەهۆی کەوتنەخوارەوەی هێلیکۆپتەرێکی جۆری "Mi-8" لە ناوچەی بریانسک، دوو کەس گیانیان لەدەستداوە.
لە هەواڵەکەدا باس لەوە کراوە کە هێلیکۆپتەرەکە بەهۆی ئاگرگرتنی بزوێنەرەکەیەوە کەوتووەتەخوارەوە.
هاوکات باس لەوە کراوە کە لە هەمان ناوچە فڕۆکەیەکی جەنگیی جۆری "Su-34" لە نزیک سنووری ئۆکراینا کەوتووەتە خوارەوە، بەڵام ئاماژە بە چارەنووسی سەرنشینەکانی نەکراوە.
