هەواڵی کوردستان ئێستا

شەفەق نیوز/ خەسخانەی دیوانیە، لە باشوور عراق، ئمڕوو دووشەممە، رزگارکردن گەنجیگ لە مردن راگەیان، دویای وسیان دڵی ئەرا زیاتر لە ٢٠ خولەک.

راگەیانن خەسەخانەگە لە بەیاننامەیگ رەسیە ئاژانس شەفەق نیوز وت: تیمیگ پزشکی توەنست گیان گەنجیگ لە تەمەن ٢٤ ساڵان رزگار بکەێد، دویای وسیان دڵی تا ماوەی ٢٠ خولەک، لە ئەنجام رویداو هاتوچو مەرگباریگ، ک بویە هوکار خوینوەربوین گەورەیگ لە مەغزی.

دکتۆر حسێن خالیدی سەرۆک تیم پزشکی وت: دواییان جیوەجیکردن وەشکین ئەرا بیمارەگە، خوەینوەربوین گەورەیگ لەناو مەغزی ئاشکرا کریا، و مەوقەی نەشتەرگەری دوو گلە گیانی لەدەسدا، وەلێ جاریگتر زنیەو بوی.

خالدی وتیش: دوو نەشتەرگەری ئەوبان گەورە ئەرای کریا رەسیە سەرکەفتن، ک گەنجەگە ئیسە هاتە ئاگا و هووش خوەی.