وینەیگ رەنگین یەکیگ لە زیرەکترین زانایەیل میژوو.. وە زیرەکی دەستکرد دروس کریاگە
لیۆناردۆ داڤینچی زانایگ ئیتاڵی بوی ک خاوەن چەندین بەهرە بویە، وە یەکیگ لە کەسایەتییە گەورەیل سەردەم ڕێنێسانس دانریەێد.
لە 15ی نیسان 1452 لە شار ڤینچی لە ئیتاڵیا لەداڵگبویە، و لە 2 ئایار 1519 لە شار ئەمبۆیس لە فەرەنسا دویاکووچی کردگە. داڤینچی وە شارەزایی لە چەن بواریگ ناسریاگە، لەوانە نیگارکیشی، پەیکەرسازی، تەلارسازی، ئەناتۆمی، ئەندازەیی، بیرکاری و مۆسیقا.
یەکیگ لە بەرهەمە ناودیارەیل داڤینچی تابلۆی "مۆنالیزا" بویە، ک وەشیوەیگ فراوان وە یەکیگ لە وینە ئایکۆنی و پڕ لە مەتەڵەیل جەهان دریەێدە قەڵەم.
تابلۆیگتر ناودیاری، ئەویش "دویاترین شام"، ک وینەگردن دویاترین شام عیسا وەکەرد شاگردەیلیە.
داڤینچی بیجگە دەستکەفتە هونەریەلی، بەشداری گرنگیگ لە زانست و ئەندازیاری کردگە. لێکۆڵینەوەی هویردیگ لەبان ئەناتۆمی ئایەم کرد، وینەکیشان ئەناتۆمی هوردیگ ئەنجام داگە، ک وەرجە سەردەم خوەی بویە. را و نووڕین و زانستی باوەتەیل جویراجویر وسەرشتە لە فەلەکناسی، رووەکناسی، جیۆلۆجی و فیزیا داشتگە.
هاشم ئەلغەیلی ک کار لەبان وینەی داڤینچی کردگە، لە داڵگبوی 11ی ئاب 1990، زانای بایۆتەکنەلۆژیای گەردیلەییە، پەیامنێر زانستیە، و دەرهێنەر و بەرهەمهاور یەمەنییە.
