میانمار.. بەهۆی گەردەلوولەوە 41 كەس گیانیان لەدەستدا
2023-05-16 00:00:00 - سەرچاوە: سپێده
دیجیتاڵ میدیای سپێده
ژمارەی ئەوكەسانەی كە بەهۆی گەردەلوولی مۆكا لە ناوچەكانی رۆژئاوای میانمار گیانیان لەدەستداوە، بەرزبوویەوە بۆ 41 كەس.
ماڵپەڕی "كۆنكۆرد ڕیڤیو" بڵاویكردۆتەوە كە بەهۆی گەردەلوولی "مۆكا" لە ناوچەكانی رۆژئاوای میانمار تا ئێستا، 41 كەس گیانیان لەدەستداوە و سەدان كەسی دیكەیش برینداربوون.
ئاماژەی بەوەشداوە كە بەهۆی گەردەلوولەكەوە، پەیوەندیی نێوان سەدان كەس پچڕاوە و زنجیرەیەك رۆچوونی زەویش روویداوە، هەروەها گەردەلوولەكە زیانی بە ژێرخانەكان و ژمارەیەك خانوو گەیاندووە.
پێشتر نەتەوە یەكگرتووەكان هۆشداری ئەوەی دابوو كە بەهۆی گەردەلوولی "مۆكا"وە، ژیانی دوو ملیۆن كەس دەكەویتەوە مەترسییەوە.
