بەغدا دەستدەكات بە دابەشكردنی مووچەی مانگی 5، هەرێمیش مووچەی مانگی 4 دابەشدەكات
2023-05-18 00:00:00 - سەرچاوە: سپێده
دیجیتاڵ میدیای سپێده
لە هەرێمی كوردستان پڕۆسەی دابەشكردنی مووچە زۆر بە سستی بەڕێوەدەچێت، ئەمەش بەهۆی گەندەڵی و سیاسەتە هەڵەكانی بەرپرسانی هەرێمەوەیە، بەشێوەیەك دابەشكردنی مووچەی مانگی چوار لە كۆتایی مانگی 5 تەواو دەبێت.
لەلایەكی دیكەوە، وەزارەتی دارایی عێراق ئەمڕۆ ڕایگەیاند ڕێكارەكانی دابەشكردنی مووچەی مانگی ئایاری گرتووەتەبەر.
بەگوێرەی ئاژانسیی هەواڵی عێراق وەزارەتی دارایی، وتی فەرمانگەی ژمێریاری وەزارەت لەمڕۆوە دەستیكرد بە ڕێكارەكانی دابەشكردنی مووچەی ئەم مانگە.
وتیشی وەزارەت سەرجەم یەكەكانی خەرجی لە وەزارەت و لایەنەكانی دی دەرەوەی وەزارەت و پارێزگاكانی داوایكردووە كە پابەندبن بەخشتەو بە پێداویستیەكانی دابەشكردنی دارایی و نەختینەیی.
