سەرۆکوەزیرانی عێراق و سەرۆکی ئۆکرانیا لە جه‌ددە کۆدەبنەوە
دیجیتاڵ میدیای سپێده
سەرۆکوەزیرانی عێراق محمد شیاع سودانی لەگەڵ ڤۆلۆدیمیر زێلێنسکی سەرۆکی ئۆکرانیا لە جددە کۆدەبێتەوە.
سەرۆکوەزیرانی عێراق، محەمەد شیاع سودانی، ئەمڕۆ هەینی، لە شاری جه‌ددەی پایته‌ختی سعودیە، لەگەڵ ڤۆلۆدیمیر زێلێنسکی، سەرۆکی ئۆکرانیا کۆبووەوە، لە پەراوێزی بەشداریکردنی لە سی و دووهەمین لوتکەی عەرەبی، کە شانشینی سعودیە میوانداری دەکات.
لە کۆبوونەوەکەدا شایەتحاڵی گفتوگۆکردن بوو لەسەر پەیوەندییە دووقۆڵییەکانی نێوان هەردوو وڵات، و ڕێگاکانی بەرزکردنەوەی هاوکارییەکان لەو بوارانەی کە خزمەت بە بەرژەوەندی هاوبەش دەکەن.
سەرۆک وەزیران جەختی لە پێویستی گرتنەبەری شێوازی دیپلۆماسی و پێدانی دەرفەت بۆ گفتوگۆ بۆ گەیشتن بە چارەسەرێکی ئاشتیانە لە ئۆکرانیا و بەرقەرارکردنی ئاسایش و ئاشتی و دوورکەوتنەوە لە پەرەسەندنی زیاتر کردەوە.
لای خۆیەوە سەرۆکی ئۆکرانیا ئاماژەی بە پەرۆشی وڵاتەکەی کرد بۆ پەرەپێدانی هاریکاری نێوان هەردوو وڵات و ڕێگاکانی چەسپاندنی لە چەند بوارێکدا، بانگهێشتی سەرۆک وەزیرانیشی کرد بۆ سەردانی ئۆکرانیا و ستایشی ڕۆڵی سەرەکی عێراقی کرد لە ناوچەکە و هەوڵەکانی بۆ پشتگیری ئاسایش و سەقامگیرییەکەی.