ئەو ئافرەتەی لە کۆیە لەکاتی مارە برینی هەڵات لە سۆران دەستگیرکرا
دیجیتال میدیای سپێده
دوای ئه‌وه‌ی بوكێك له كۆیه له رۆژی ماره بڕینه‌كه‌ی خۆی وون كردبوو شه‌وی رابردوو له شاری سۆران توانرا ده‌ستگیر بكرێت.
ڕاگەیاندن و پەیوەندییەکانی سۆران رایده‌گه‌یه‌نێت،" دوای ئەوەی لە چەند ڕۆژی ڕابردوو ئافرەتێك بە ناوی( ح.ك.م) كە دانیشتووی قەزای كۆیە لە ڕۆژی مارە بڕینی هاوسەرگیریدا خۆی وون كرد و ڕایكرد، دەست بەجێ دەستگیرانەكەی لە نوسینگەی بەرەنگاربوونەوەی تووند وتیژی دژی ئافرەتان و خێزانی كۆیە سكاڵای تۆماركرد لە سەر ونبوونی دەستگیرانەكەی ، بەپێی زانیاری و بەدواداچونەكانی بەڕێوەبەرایەتیمان دەركەوت كە ئەم ئافرەتە هەڵاتووە بۆ شاری سۆران".
ئه‌وه‌ش هاتووه،" دوای پشتڕاستكردنەوەی زانیاریەكە مەفرەزەیەكی تایبەتی بەڕێوەبەرایەتیمان بە سەرپەرشتی ڕاستەوخۆی بەڕێز بەڕێوبەری بەڕێوبەرایەتیمان مقدمی پۆلیس ( بژار مصطفی سلێمان ) و ئەفسەری لێكۆلینەوەی نوسینگەی سۆران بەڕێز ( نقیبی پۆلیس/ زریان ڕمظان )وە بە هاوبەشی لەگەڵ بەڕێوەبەرایەتی ئاسایشی ناو شاری سۆران توانرا لە كەمترین كاتدا ئافرەتی هەڵاتووە دەستگیربكەن".
باس له‌وه‌ش كراوه،"بە بڕیاری بەڕێز دادوەری لێكۆڵینەوە و لەسەر ڕاسپاردەی نوسینگەی بەرەنگاربوونەوەی تووند وتیژی دژی ئافرەتان و خێزانی كۆیە ناوبراو ڕادەستی نوسینگەكە دەكرێت كە فەرمانی دەستگیر كردنی هەبوو بە پێی مادەی (٤٤٦ ی.س )".
