زیاتر لە یەك ملیۆن كەس بەشدارییان لە دەنگدانی دەرەوە كردووە بۆ خولی دووەمی هەڵبژاردنی سەرۆكایەتی توركیا
دیجیتاڵ میدیای سپێده
له‌كۆی ئه‌و ده‌نگده‌رانه‌ی كه له لیستی ده‌نگده‌رانی ده‌ره‌وه‌ی وڵاتدا تۆماركراون، یه‌ك ملیۆن و ٣٥١ هه‌زار و ٤١٣ ده‌نگده‌ر له ده‌ره‌وه‌ی وڵات و ده‌روازه‌كان له گه‌ڕی دووه‌می هه‌ڵبژاردنی سه‌رۆكایه‌تی كۆماردا ده‌نگیان داوه،كه بڕیاره له ٢٨ی ئایاردا له ناوخۆی توركیا به‌ڕێوه‌بچێت.
پرۆسه‌ی ده‌نگدانی ده‌نگده‌رانی ده‌ره‌وه‌ی وڵات له نوێنه‌رایه‌تییه‌كانی توركیا له ده‌ره‌وه‌ی وڵات و ده‌روازه سنوورییه‌كانی وڵاته‌كه بۆ هه‌ڵبژاردنه‌كانی سه‌رۆكایه‌تی كۆمار، كه رۆژی ٢٠ی ئایار ده‌ستی پێكردووه، درێژه‌ی هه‌یه.
به‌پێی ئه‌و زانیارییانه‌ی له دامه‌زراوه‌ی باڵای هه‌ڵبژاردنه‌وه ده‌ستكه‌وتوون، تا ئێستا یه‌ك ملیۆن و ٣٥١ هه‌زار و ٤١٣ ده‌نگده‌ر له ده‌ره‌وه‌ی وڵات و ده‌روازه‌كان ده‌نگیان داوه.
ده‌نگدان له نوێنه‌رایه‌تییه‌كانی ده‌ره‌وه‌ی وڵات له ٢٤ی ئایاردا كۆتاییدێت، له ده‌روازه سنوورییه‌كانیش تا كاتژمێر ١٧:٠٠ی رۆژی ٢٨ی ئایار درێژه‌ی ده‌بێت.
