وەرپرسیگ هندی فەرمان هشکەوکردن بەنداو کەپیگ دەێد تا مۆبایلەگەی لە ئاو درارێد
2023-05-28 00:00:00 - سەرچاوە: شـه‌فـه‌ق نيـوز
شەفەق نیوز/ دەسەڵاتەیل هندستان، فەرمان دان وەرپرسیگ حکومەتی هندی لەکار بوەسیەێد، دویای ئەوە ک فەرمان هشکەوکردن بەنداویگ لە ئاو دا، تا بتوەنێد مۆبایلەگەی درارێد.
راپۆرتەیل راگەیانن وتن: راجيش فيشواس مۆبایل سامسۆنگی مەوقەی وینەگردن سێلفی لەدەسی کەفتە ناو ئاو بەنداوەگە، ئیجا پەڵپ گرد ئاو لەناو بەنداوەگە نەیلن، و هشکی بکەن، وەسنگ بەیاننامەیلیگ حکومەتی گرنگ ک لەناو مۆبایلەگەی هەس، و بایەتە باێدە دی.
ئەو کارە لە بەنداو خرتا لە ویلایەت چیهاتيسغارە ناوڕاس هندستان بوی.
دویای ئەوە ک هشکەوکردن بەنداوەگە سێ رووژ کیشا، فیشواس مۆبایلەگەی پەیا کرد، باوجی پەکی کەفتگە و کار نیەکەێد.
دویای ئەوە، دەس فیشواس لەکار کیشیاوە، وە توومەت بەد وەکارهاوردن پۆستەگەی.
