سای کەعبە دیار نەمەن...ڤیدیۆ
2023-05-29 00:00:00 - سەرچاوە: شـه‌فـه‌ق نيـوز
شەفەق نیوز/ لەوەر دیاردەیگ گەردونی ک لە ساڵیگ دوو جار رویدەێد، سای کەعبە لەبان زەوی دیار نیەمینێد.
ئاژانس خەوەری فەرمی سعودی گرتە ڤیدیۆیگ بڵاوکردیە لەناوی دەرکەفێد کەعبەی پیرووز سای نییە، گرتە ڤیدیۆگە لە ساعەت 12:17 خولەک دویەکە نیمەڕوو وە وەخت مەککە توومارکریاگە، ئەیە یەکەمین حاڵەت لەو جویرەس لەماوەی ئمساڵ توومارکریا.
دیارنەمان سای کەعبە لەوەر دیاردەیگ رویدەێد ک کەعبە کەفێدە ناوبەین کڕ ئیستیوا و خولگەی قرژاڵ، و مەزەنەکریەد لە مانگ تەمووز ئمساڵ دووارەو بوود.
