هەواڵی کوردستان ئێستا

شەفەق نیوز/ دیمیتری پێسکۆڤ، قسەکەر کریملین، ئمڕوو سێشەممە، وت: پەلامارەگەی شەوەکی وە فڕۆکەیل بیفڕۆکەوان لەبان مۆسکۆ وە "وەڵامدانیگ" لە کیێڤەو لەبان پەلامارەیل ئی دویایی رووسیا لە ئۆکرانیا زانێد، لە یەکەم لێدوانە لەبان ئی رویداوە.

رووسیا دووپات کرد ک "ئۆکراین گەورەترین پەلامار وە فڕۆکەی بێفڕۆکەوان لەبان مۆسکۆ ئەنجامدا، بەڵام وەرگری ئاسمانی هەر هەیشت فڕۆکەی بێفڕۆکەوانەگە لەناوبرد".

 پێسکۆڤ وتیش: "تەواو ئاشکراس ک ئیمە باس لە وەڵامدان رژیم کیێڤ کەیمن لەو پەلامار فرە کاریگەرمان لەبان یەکیگ لە بنکە فەرماندەییەیلی"، وتیش؛ "سیستەم وەرگری ئاسمانی (لەبان مۆسکۆ) وەشیوەی خاسیگ کار کرد"، وەقسەی "ئاژانس فرانس پرێس".

لەلاییگتر؛ ڕاوێژکارەیل سەرۆکایەتی ئۆکرانیا، بەشداری راستەوخۆی کیێڤ لە پەلامار ئمڕوو سێشەممە، وە فرۆکەی بێفڕۆکەوان لەبان مۆسکۆ رەتکرد، بەڵام راگەیان؛ وڵاتەگەی خوەشی وە تەماشاکردن ئەو باوەتە کەێد و مەزەنەی زیایبوین ئیجویر پەلاماریگ کەێد.