هەواڵی کوردستان ئێستا

شەفەق نیوز/ سەرچەوەیگ ناوخوەیی، ئمڕوو چوارشەممە، خەوەردا لە کوشیان و زەخمداری دوو کەس وە رویداویگ هاتوچو لە یەکیگ لە قەزایل پارێزگاگە.

سەرچەوەگە ئەرا ئاژانس شەفەق نیوز وت: رویداوەگە وەرجە کەمیگ لە نویسان ئی خەوەرە بویە، هەنار ماشینیگ بارهەڵگر دادە ماشینیگ پیکاب لەبان ری ناوەین قەزای چۆمان و سۆران.

وتیش؛ رویداوەگە بویە هوکار کوشیان پیاییگ لەناو ماشینە دویەمەگە و زەخمداری کوڕەگەی.

هەرلیوا، تەرمیگ نزیک جادەی ١٥٠ نەترس لە شار هەولێر پەیا کریا.

سەرچەوەیگتر ئەرا ئاژانسمان وت: تەرمەگە وەرجە کەمیگ لە نویسان ئی خەوەرە پەیا کریا، لە نزیک جاک ی سەرەکی ١٥٠ مەتری لە هەولێر وەرانوەر (شارى مامۆستایان) ".

وتیش: تەرمەگە نەناسیاگە و تا ئیسە نیەزانن چوین مردگە.