هەواڵی کوردستان ئێستا

شەفەق نیوز/ توێژینەوەی نوویگ هووشداری دەێد لەوە ک ئاڵشتبوین کەشوهەوا توەنێد تسونامی کەپ لە زەریای باشوور دروس بکەێد، لەوەر زەویلەرزەی ژیر ئاو لە ئەنتارکتیکا.

 وە شیەوکردن بنخەڕگ سەدان پا لە ژیر دەریا لە ئەنتارکتیکا، زانایل ئەرایان هاتە دی ک لە گیرهاتن گەرمی سەردەمەیل گوزەشتەی جەهان، لە ناوەین ٣ ملیۆن تا ١٥ ملیۆن ساڵ وەرجەیە، چینەیل خەڕگ بن دریا دروس بوین، و سڕ بردنە  و تسونامی گەورە ئەرا کناراوەیل ئەمریکای باشوور و نیوزلەندا و ئەمریکای باشوور و خوەرهەڵات ئاسیا تەکان دانە.

وەگورەی لایڤ ساینس، زانایل ئویشن: هەناێ  گەرمی کەشوهەوا لە زەریایل بەرزەو بوود،  جاریگتر تسونامی مەرەقەز بوود.

 جێنی گەیڵز، مامووستا لە  زانکۆی پلیمۆس لە بەریتانیا لە بەیاننامەیگ راگەیان: لەرزینەیل ژیر دەریا رخیگ وەرچەو جوگرافی دروس کەن، ک هاتێ بوودە مدوو تسونامی ک شایەت بوودە هوکار  گیانلەدەسدان فرەیگ، و ئەو ئەنجامە ک وەپی رەسیمنە، رووشنایی خەێدە بان ئەو خوازین گرنگە ئەرا فامستن چوینیەتی کاریگەری ئاڵشتبوین کەشوهەوا لە ئارامی ئی ناوچەیلە.