هەواڵی کوردستان ئێستا

شەفەق نیوز/ ڤیستواڵ نور ک ساڵانە لە وڵات  مەغریب و لەشار کاسابلانکا وەڕیەو چێد وە ناو "الجائزە الکبری"  بەخشریەد وە خاسترین فیلم بەشداربوی، ئمساڵ فلیمیگ کوردی بویە خاوەن خەڵاتەگە.

فیلم "پێکەنین و بیرچوونەوە" لە سیناریۆ و دەراوردن هەوراز محەمەدە، فیلمیگ مێژوویی، سیاسی و کۆمیدیە، باس لە رویداوەیل ساڵەیل بیسەگان کەێد، ئەو وەختەی دەوڵەت عراق دروس کریەێد و باشوور کوردستان خریەێدە بانی، باس لە چایخانەیگ کریەێد ک چای نەیرێد بفرووشێد، وە مدووی بۆردومان فرۆکەیل ئینگلیزەگان ک چەن مانگیگ گشت جویلەیگ بازرگانی وسانوێد، لەوەر چای نەخواردن مەردمەگە تویش سەرژان تێن، باوجی مەردمەگە بەردەوام نوکتە باسکەن و هەنەکی کەن و خەنن.

 ئی کوڵە فلیمە لە  ساڵ ٢٠١٨ لە شار سلێمانی بەرهەمهاتیە  زیاتر لە ٦٠ هونەرمەن لە پشت کامێرا و وەردەم کامێرا کار لەناوی کردنە.