هەواڵی کوردستان ئێستا

شەفەق نیوز/ ماڵپەڕیگ ئەمریکی کتاویگ لەباوەت کابرایگ ک کریکارە لە  فریاگوزاری فەرەنسی- ئیرانی بڵاو کرد ک لە عراق رفیاگە، ئەویش ئەزموون خوەی باس لەو رویداوەیلە کەێد ک لە عراق و سوریا وەسەری هاتیە، ونویسەرەگە دیاری کرد ک پەتای کۆڕۆنا بویە مدوو مەرەقەزکرنی وەگەرد بڕیگ کەس مەسیحی، وتیش؛ فرەی لایەنەیل جەنگکەر دەسیان هاناو "پەلامارداین یا خیانەتکردن" لە مەسیحییەیل،  هیزەیل تورکیایش هاناویان .

 "کۆڕبەند خوەرھەڵات ناوەڕاس" ئەمریکی باس لە کتاو "رفیاییگ لە عراق" کرد، ک باس ئەزموون ئەو کارمەنە فریاگوزارییە فەرەنسییە ئیرانییە، ئەلێکساندەر گۆدارزی، کەێد ک لە عراق رفیاگە، و لە کتاوەگە سێ مەچیر لەو ئەو رویداوەیلە چنێد ک لە عراق و سوریا وەخوەی دیە.

راپۆرتە ئەمریکییەگە ک لەلایەن ئاژانس شەفەق نیوز هەڵگەڕدان کریا،  باس ئەوەیش کرد  ک "کتاوەگە ک باس ئازارەیل کارمەنیگ فریاگوزاری مەسیحی کرد، دەسنشان لە ئەزموون رفاننی لە عراق کەێد وەلایەن میلیشیایل شیعە، هەرلیوا چوین 4 مەسیحی رفیاگ خوەیان چەکدار کردنە وە بڕوای خوەیان ئەرا قورتاربوین". تا  بتوەنن لە ژیان بمینن لە وەختیگ لە شوین دەسوەسەرکردن خریەێدە شوینیگتر، و دیاری کەێد ک پەتای کۆڕۆنا بویە هوکار مەرەقەزکرنیان.

وەگورەی ڕاپۆرتەگە، "بەش دویەم کتاوەگە کە گەورەترین بەشیە، باس لە چالاکییەیل گۆدارزی کەێد لە ماوەی ساڵەیل  2014 تا 2019، لەناو ريخرياگ (SOS Christian Orient)، ک لەناوی گەردینیگ فراوان لە سەرتاسەر سوریا کردیە، و شایەتهاڵیگ لە چیرووگ ک وە دەگمەن نووڕیەێد." باس لە ئازارەیل مەسیحییەیل کەێد لە سوریا.

گۆدارزی لە کتاوەگە دووپات کەێد ک "فرەی لایەنە جەنکەرەیل هاوبەشن لە پەلامار مەسیحیەیل یا  خیانەتکردنیان، هەرچەن  ریخریاگە سوننەیل ک نوێنەرایەتی جەبهەت نوسرە و داعش و هیزەیل تورکیا و سوپای سوریای ئازاد کەن ک فرەترین زیان وە مەسیحیەیل رەساننە".

گۆدارزی لە کتاوەگە ئویشێد: "تاکە لایەنەیل ک مقیەتی مەسیحیەیل کردگە سوپای ئاسایی سوریاس، وە پاڵپشتی رووسیا و ئیران و حزبولڵا".

لە تەوەر سێیەم کتاوەگە "وەداخیگ رەخنە لە رۆڵ فەرەنسی گرێد، چوینکە پاریس بویەسە بی رەگ و ریشە و ناتەبایی و بیهاز و بویەسە وڵاتیگ گونجیاگ ئەرا خانەنشینەیل، لەجیای ئەوەگ ئەرا نەوە پیشکەفتگەیل بوود".

 کتاوەگە باس لەوە کەێد: "هەناێ گۆدارزی لە ساڵ ٢٠١٥ خەوەر کۆمەڵکوشییەگە لە یانە شەوانەگەی باتاکلان لە پاریس ئەرای رەسێد، قسەی ئەو مەسیحییەیل سوریە کەفتە یادی کە وەپی وتنە: ئەوەگ ئمڕوو لەیرا لەناو میلکان وەسەرمان تیەێد  سوو  دەێد لەلێد".

 گۆدارزی بڕوا دیرێد ک "هەڵوێست فەرەنسا نائومیدکەر بوی، چوینکە هیچ تویڕەییگ لەلی دیار نەوی، باوەتەگەیش جویر  وڵاتیگ شەکەت لە لیو فەوتان بوی".

ئەو چالاکوان فەرەنسی- ئیرانییە باس  هەڵوێست ئەو سورییەیلە کرد ک ئەرا مەنین خوەیان جەنگ کەن، رەخنە لە "دویرەکەفتن میدیایل ناودەوڵەتی لە بڵاوکردن جەنگ سوریا لە نووڕین ئازارەیل گەل مەدەنی گرد".

وەگورەی ڕاپۆرتەگە، "ئامانج کتاوەگە پڕەوکردن ئەو بۆشاییەس، ک ئیدانەکردنە ئەرا نەفامی و بیباکی خوەرئاوا  وەرانوەر تونەڕەوی ئیسلامی".

هەڵگەردان: ئاژانس شەفەق نیوز