هەواڵی کوردستان ئێستا

شەفەق نیوز/ فەرمانگەی کاروبار رفیاگەیل ئێزدی لە هەرێم کوردستان، ئمڕوو یەکشەممە، خەوەردا ک تەقەلایل گەورەیگ وەلایەن نێچیروان بارزانی سەرۆک هەرێم کوردستان پیشکەش کریاگە ئەرا ئازادکردن ٦ ژن ئێزدی لە چنگ داعش.

نویسینگەی کاروبار رفیاگەیل لە بەیاننامەیگ رەسیە ئاژانس شەفەق نیوز وت: نێچیروان بارزانی سەرۆک هەرێم کوردستان تەقەلایل گەورەیگ پیشکەش کرد تا ژنەیل ئێزدی لە چنگ ریخریاگ داعش ئازاد بوون، تا دویای دوو رووژ بیریەنە دەس خاوەنیان لە دهۆک.

 نویسینگەگە وتیش: پەیاکردن ژنە رفیایەیل دویای تەقەلای خانمە چالاکوان ئێزدی نادیە موڕاد هات.

دویەکە شەممە، نادیە موڕاد ئازادکردن شەش ژن ئێزدی راگەیان، دویای وەشوینکەفتن و تەقەلای فرەیگ تا ماوەی چەن هەفتەیگ وەردەوام بوی.

نادیە خان ک باڵیۆز نەتەوە یەکگرتگەیلە ئەرا نیاز پاکەیل لەبان سۆشیال میدیا نویسان: دویای چەن هەفتەیگ لە وەشوینکەفتن و کار بیهوچان، خوەشمان تیەێد ئازادکردن شەش ژن ئێزدی راگەینیمن، ک لە رویداوەیل ئاب ٢٠١٤ەو لەلای داعش دەسوەسەر بوینە.