٥ کوشیان و ٨ زەخمداری وە پەلاماریگ چەکدار لە ئیکوادۆر
2023-06-05 00:00:00 - سەرچاوە: شـه‌فـه‌ق نيـوز
شەفەق نیوز/ ٥ کەس لەلای کەمەو کوشیان و ٨ کەسیش زەخمدار بوین، هەناێ سێ پیاو لەناو ماڵیگ لە شار گوایاکیل تەقە کردن، ک ئەوە یەکیگ لە فرەترین شارەیل زەرەدمەنە لە تاوان و قاچاخی هوشبەری.
وەچەودیەیلیگ ئەرا پولیس ئیکوادۆر وتن: ٣ پیاو لە کووڵ ماتۆرسکڵیگ رەسینە ئیسلا ترینیتاریا لە باشوور شارەگە، و چینە ناو ماڵەگە و دەسکردنە تەقەکردن.
کولۆنێل فاباری مونتالفو ئەرا رووژنامەوانەیل وت: تا ئیسە ٥ کەس کوشیاگە و ٨ کەسیش زەخمدارە، و یەکیگ لە کوشیایەیل پولیسە چەن کولەیگ دریاسە سەری.
ئیکوادۆر تونوتیژی وەخوەی دوینێد لەبان جەنگەیل ناوبەین باندەیل قاچاخکردن هوشبەری.
