ئایا گووشگردن لە گورانی دڵتەنگی سوودیگ دیرێد؟
شایەت وەڵامەگە وە لێکۆڵینەوەی نوو بوود، ک ئاشکرا کەێد ئەو باوەتە پەیوەندی وە گورانی دڵتەنگ نییە، بەڵکم وە بڕیگ هوکارە، ک فرەیان پەیوەندی وە هەسە خاسەیل دیرێد، یەیش سوود فرەیگ ئەرا تەندروسی هزری و دەروینی دیرێد.
تەندروسی وەی شیوەی خەم و پەژارە کاریگەری لەبان مێشک دیرێد، و یەیش رییگە ئەرا کەمکردن مەترسی.
تاقیکردنیگ نوو ک لەلایەن فەیلەسوف و دەروینناسیگ ئەزموونی زانکۆی یێڵ، دکتۆر جوشوا نۆپ ئەنجام دریاگە، ئاشکرا کەێد ک ئیمە ئارەزوو گورانییە دڵتەنگی کەیمن چوينکە دەسمیەتی دن تا هەس وە پەیوەندیکردن بکەیمن و لە جەهان نەوڕیەیمن.
ئەنجامەیل نشان دەن ک ئەو هەسەیلە ک هیلن گووشگرەیل ناو تاقیکردنەوەگە هەس وە پەیوەندی زیاتر بکەن لە گفتوگۆ رەگ و ریشەی قويليیگ لە "مۆسیقاگە چەیگە" جویر دووسی، خوەشی، خوەشهاڵی، تەنیایی، خەفەت و خەم و پەژارە.
دکتۆر نۆپ دیاری کرد: "تەنیا هەس وە تەنیایی کەێ، هەس دابڕیان کەێ"، "ئیجا گووش لە بڕیگ مۆسیقا گرێ، و هەس کەێ تەنیا نیێ".
هەسکردن وە خوەشی
توێژینەوەیگ وەرجەیە ئاشکرای کردوێد ک ئەو کەسەیلە گووش لە گورانییە خەفەتبارەیل گرن، ئەرا زیایکردن نەهامەتییان ئەو کارە نیەکەن.
باوجی گورانی خەفەتی دەسمیەتیان دەێد هەس وە دڵخوەشی زیاتر بکەن، وەپەی ڕاپۆرتیگ وەلایەن گۆڤار Emotion ک لەلایەن کۆمەڵەی دەروینناسی ئەمریکییەو بڵاو کریا.
لای خوەیانیش زانایل دەروینناس رااگەیاننە، یەکیگ لەو هوکارەیلە ک ئایەم گورانی خەفەتی لەلای خاسترە، لەوەر ئەوەس ک دەنگدانەوەیان وەگەرد ئەو چشتەیلە هەس ک کەسەگە وەپیا رەد بوود.
