هەواڵی کوردستان ئێستا

شەفەق نيوز / ئەنتۆنی بلینکن وەزیر دەیشت ئەمریکا، ئمڕوو دووشەممە، وت: هیمان ئیران گەورەترین مەترسی لەبان ئیسرائیل دروس کەێد، و لە نووڕین ئیدارەی ئەمریکی هەر لەژیر سزایل مینێد.

بلینکن لە وتاریگ وەردەم ریخریاگ "ئيباك" ک پشتگیری ئیسرائیل کەێد لە ئەمریکا وت: ئەگەر ئیران رازی نەوی وەری دیبلۆماسی بڕانێد، هەکاتی سەرۆک بایدن ئاسای ک هەمیشە وە ئاشکرا وتیاد: گشت پەسەنەیل ئەرا مسۆگەرکردن ئەوە ک ئیران چەک ئەتۆمی وەدەسی نیەکەفێد هانە بان مێز.

  وتیش: گونجیان پەیوەندیەیل ناوبەین شانشین عەرەبستانی سعودیە و ئیسرائیل کەفێدە بەرژەوەنی ئەمنی ئەمریکا، وتیش: ئەمریکا بەرژەوەنی راسییگ لە چین ئاسایش نەتەوەیی لە بتەوکردن گونجیان ئیسرائیل و سعودیە دیرێد.