هەواڵی کوردستان ئێستا

شەفەق نیوز/ بیر دیان جەعفەر وەڕیەوبەر فەرمانگەی کووچ و کووچبەری لە پارێزگای دهۆک، ئمڕوو سێشەممە، گلەوخواردن ٥٧ خیزان لە کامپ شاریا وەرەو ناوچەی خوەیان لە شنگال راگەیان.

جەعفەر ئەرا ئاژانس شەفەق نیوز وت: گلەوخواردن ئاوارەیل وەرەو ناوچەیلیان لەناو بەرنامەی ریخریاگ (IOM) سەروە نەتەوە یەکگرتگەیل تیەێد، ک خاسەوکردن و بیناکردن ماڵ هاناوی، ئەرا ئەوانەگ ئارەزوو گلەوخواردن ئەرا شنگال دیرن، دیاری کرد ک بەرنامەگە یە ساڵیگە دەسوەپی کردیە، ک ١٠٠٠ خیزان توومار کریا لەوانەگ خوازن لە تەنیا کامپ شاریا و بیرسڤی ١  ئەرا ناوچەیلیان گلەو بخوەن.

جەعفەر وتیش: ئمڕوو ٥٧ خیزان لە کامپ شاریا وەرەو شنگال گلەو خواردن، و وەرجە چەن رووژیگ ٣٨ خیزان لە کامپ بیرسڤی ١ گلەو خواردن، و دیاری کرد ک گلەوخواردن لەو کامپەیلیش وەردەوامە، ک رووژانە لە ١٠ تا ١٥ خیزان لە کامپەگە دەرچوود و ئەرا ناوچەیلیان لە شنگال گلەو خوەن.

جەعفەر وتیش: شمارەی ئەو خیزانەیلە گ لەناو کامپەیل ئەرا شنگال گلەو خواردنە لەماوەی ئی مانگە رەسیە ١٥٩ خیزان، و زیاتر لە ٩٠٠ خیزان توومار کریانە خوازن گلەو بخوەن.

جی باسە ک شمارەی کامپ ئاوارەیل لەناو پارێزگای دهۆک رەسێدە ١٦ کامپ و زیاتر لە ١١٣٧ هەزار کەس ها ناوی، و نزیکەی ١١٨٩ کەسیش هانە دەیشت کامپەیل.