هەواڵی کوردستان ئێستا

شەفەق نیوز/ راپۆرتیگ جەهانی ئاشکەرا کرێد 675 ملیۆن کەس لە جەهان وەبی کارەبا زندگی کەن ک فرەیان لە وڵاتە بیاوانیەیل ئەفریقای باشوورن.

وەپای راپۆرتەگە ک وەلایەن رێکخریاگ تەندروسی جەڵانی و بانک ناودەوڵەتی بڵاوکریایە،" وڵاتەیل جەهان نەتوەنستنە ئامانجەیل گەشەوەپیدان وەردەوام وەدی بارن، ک دەوڵەتەیل ئەندام لە نەتەوە یەکگرتگەیل لە ساڵ 2015 پشت وەپیان بەسیوین ئەرا گرەنتی کردن وزەی پاکیگ وە نرخ گونجیاییگ ئەرا سەرجەم دەوڵەتەیل تا ساڵ  2030"

گوانگزی چن، سەرۆک بانک ناودەوڵەتی راگەیانیە، "جەهان رویوەروی یەواشبوین بوین بویە لە دابینکردن کارەبا"، و شمارەی ئەو کەسەیلە ک لە دەیەی وەرین وەبی کارەبا زندگی کردن ئەرا نیمە کەمەوبویە، باوجی وەگەرد ئەوەیش هێمانی 675 ملیۆن کەس تا ساڵ 2021 وەبی کارەبا مەننە ک  %80 یان لە ئەفریقای باشوورن.

تا ساڵ 2030 مەزەنەکریەێد 660 ملیۆن کەس وەبی کارەبایی بمینن.