هەواڵی کوردستان ئێستا

شەفەق نیوز/ ئاژانس هەواڵگری و لێکۆڵینەوەی فیدراڵی وەزارەت ناوخوەی، ئمڕوو پەنجشەممە، خەوەردا لە پویچەوکردن تووڕیگ "رخبەر" بازرگانی وە ئایەم کردنە و ژن و مناڵ وەکارهاوردنە لە کارەیل لەشفرووشی.

ئاژانسەگە لە بەیاننامیگ رەسیە ئاژانس شەفەق نیوز وت، لەدویای رەسین زانیاریەیل هەواڵگری لەباوەت بویین باندیگ ک ژنیگ وەڕیەوبەێد و ژنەیل و مناڵەیل وەکارتیەرێد ئەرا بارزگانیکردن وە ئایەم و کارەیل دەڵالی و لەشفرووشی، لیژنەی کارکردن هەواڵگری تایوەتیگ دروسکریا لەدویای وەرگردن بڕیار دادوەر و وە کوڵەی قایمیگ توومەتبارەیل دەسگیرکریان.

وەپای بایاننامەگە "پەرەی لێکۆلینەوە خریاسە نوای دادوەر کەرامە و ئەویش بڕیار دایە وە گردنیان وەپای مادەی 6 / یەکەم و دویەم و شەشەم لەیاسای بازرگانیکردن وە ئایەم و قوربانی وەپای بڕیار 234 ساڵ 2001".