هەواڵی کوردستان ئێستا

شەفەق نیوز/ بڵویزەی ئاگر وەردەوامە لە ویرانکردن شوینەیل فراوانیگ لە دارستانەیل کەنەدا و زیاتر لە ٥٠ هەزار کەس ناچاربوین ماڵیان  وەجی بیلن، دویکەڵیش ک وەرەو کەنارەیل خوەرھەڵات ئەمریکا بڵاو بویە، ئاست نووڕسن لە شارەیل ئەمریکا جویر واشنتۆن و نیویۆرک کەمەو کردگە.

 ١٣ ویلایەت ئەمریکا ئاگاداری بڵاو کردنە، لەوەر دویکەڵ  ک بویەسە هوکار  داوەزیان ئاست نووڕستن، و خەڵکەگە پابەند کردن وە مەنین لە ناو ماڵ.

 دەزگای کەشناسی نیشتمانی ئەمریکا راگەیان؛ کوالیتی وا لە واشنتۆن پایتەخت ئەرا ئاست رخبەریگ داوەزیە.

وتیش؛ "کوالیتی وای فرە بەدیگ توومار کریاگە ئەرا ئەو کەسەیلە ک بیماری دڵ و سویە دیرن، هەرلیوا پیر و مناڵ و ناخاڵەیش".

مەکتەوەیل حکومەتی ئەو مقیەتیکردنە لەوەر دویکەڵ ئاگر دارستانەیل لە کەنەدا کاریگەری لەبانیان بویە، و واز لە چالاکی دەیشت هاوردنە، جویر وەرزش. 

 ئیریک ئادەمز سەرۆک شارەوانی شار نیویۆرک بەیاننامەیەگ وت:  "لە سەرانسەر شارەگە لەوەر دویکەڵ ئاگر کوالیتی وا لە کەنەدا بەدەو بوود".