لە ناوچەیگ هەرێم کوردستان ژنیگ شویەگەی خوەی وە چەقوو کوشێد
2023-06-09 00:00:00 - سەرچاوە: شـه‌فـه‌ق نيـوز
شەفەق نیوز/ وەڕیەوبەرایەتی پۆلیس ئیدارەی گەرمیان، ئمڕوو جومعە، خەوەردا لە کوشیان پیاویگ وە چەقوو وە دەس ژنەگەی لە قەزای کەلار.
قسەکەر پۆلیس گەرمیان عەقید مافپەوەر عەلی جەماڵ قەدوری ئمڕوو، لە بەیاننامەیگ راگەیان، شەو جومعە تەرم هاوڵاتیگ ئەرا خەسخانەی فریاگوزاری " شەهید " بریایە ک وە چەقوو کوشیایە.
وتیش، وە فەرمان دادەوەر لێکۆڵەر کەلار، بەش دژە تاوانەیل گەرمیان رەسینە شوین رویداوەگە دویای لێکۆلینەوە دەسنریاس وەبان ئەو چەقووە تاوانەگە وەپی ئەنجام دریاگە وەگەرد دەسگیرکردن سێ تومەتبار ک هانە پشت رویداوەگە، وتیش توومەتبارەیل ک دەسگیرکریان ژن و دویەت و برای ژن قوربانیەگەس،
وتیش، ئیرنگە ژن قوربانیەگە (ا-ع-ف) دەسگیرکریایە ک لەداڵگبوی 1981، گیچەڵ و وردەوردە لەناوبەینیان رویدایە و وە چەقوو پەلاماری دایە.
