وەزارەتی ناوخۆ: خاڵ بۆ خاڵ سەرپێچی شۆفێرانی كەمكردۆتەوە
2023-08-13 00:00:00 - سەرچاوە: نەوا
سایتی حكومەتی هەرێمی كوردستان بڵاویكردۆتەوە، دانانی كامێرای خاڵ بۆ خاڵ بوەتە هۆكاری كەمبونەوەی سەرپێچییەكان.
لەوبارەیەوە وەزارەتی ناوخۆ باسی لەوەكردوە، سەرپێچی شۆفێران بە رێژەی 80% لەو شوێنانەی كامێراكانی تیایدا جێگیركراون كەمبۆتەوە، پێشتریش راگەیەندرابو جێگیركردنی كامێرای خاڵ بۆ خاڵ دەبێتە هۆی كەمبونەوەی روداوەكانی هاتوچۆ.
دانانی كامێراكان لەلایەن كابینەی نۆیەمی حكومەتی هەرێمی كوردستان لەبەشێكی شەقامەكانی هەرێمی كوردستان جێگیركراوە، سیستمەكە شۆفێران ناچار بە سنورداركرنی تیژڕەوی دەكات و هەروەها دانانی ناڕەزایەتییەكی زۆری هاوڵاتیان و پەرلەمانتارانی بەدوای خۆیدا هێناو چەند جارێكیش لەلایەن كەسانی نەناسراوەوە هێرشی كراوەتە سەرو شكێنراون.
