English | عربي

شانه‌ نوستوه‌كانى داعش له‌ خانه‌قین ده‌ستیان به‌هێرشى چه‌كدارى كردۆته‌وه‌


شانه‌ نوستوه‌كانى داعش له‌ خانه‌قین ده‌ستیان به‌هێرشى چه‌كدارى كردۆته‌وه‌

2019/01/27 | 19:20

(هەواڵ كوردستان)-

خه‌ندان-ئه‌حمه‌د مسته‌فافه‌رمانده‌یه‌كى پێشمه‌رگه‌ له‌ سنورى گه‌رمه‌سێر ڕایگه‌یاند، داعش له‌ 24 كاتژمێرى رابردو دو هێرشى چه‌كدارى ئه‌نجامداوه‌ و پێویسته‌ وه‌زاره‌تى پێشمه‌رگه‌ و سوپاى عێراق ده‌ست به‌ئۆپه‌راسیۆنى هاوبه‌ش بكه‌ن. ڕائید جه‌لیل محه‌مه‌د، فه‌رمانده‌ى فه‌وج له‌لیواى 3ى پێشمه‌رگه‌ له‌ گه‌رمه‌سێر به‌ خه‌ندان-ى وت، چه‌كدارانى داعش ده‌ستیان به‌هێرش و كرده‌وه‌ى تیرۆرستى فراوانكردوه‌ له‌ناوچه‌كانى گه‌رمه‌سێر كردوه‌ و ته‌نها له‌ 24 كاتژمێرى رابردودا دو هێرشى چه‌كداریان كردۆته‌ سه‌ر دو ناوچه‌ى خانه‌قین  و ده‌وروبه‌رى و به‌هۆیه‌وه‌ 2 كه‌س كوژراون و4 پۆلیس و ئاسایشیش برینداربون.وتیشى، شه‌وى رابردو له‌ناوچه‌ى مه‌له‌ك شاى نێوان خانه‌قین و جه‌له‌ولا، ژماره‌یه‌ك چه‌كدارى داعش هێرشیان كردۆته‌ سه‌ر بازگه‌یه‌ك و به‌هۆیه‌وه‌ دوكه‌س كوژراون كه‌یه‌كێكیان پۆلیسى فیدڕڵییه‌، هاوكات له‌گه‌ڕه‌كى خه‌بات له‌خانه‌قین  دو قه‌ناس به‌ده‌ستى داعش ته‌قه‌یان له‌ دو ئاسایش و دو پۆلیس كردوه‌ و به‌هۆیه‌وه‌ برینداربون. 7 كیلۆمه‌تر چه‌كدارانى داعش له‌هێڵ و ناوچه‌كانى پێشمه‌رگه‌ دورنفه‌رمانده‌كه‌ى پێشمه‌رگه‌ ئاماژه‌ى بۆئه‌وه‌شكرد، ڕێكخراوى چه‌كدارى داعش له‌ دو ناوچه‌ى میحوه‌رى گه‌رمه‌سێر شانه‌ى نوستوى هه‌یه‌، به‌پێى زانیارییه‌كانمان له‌ ناوچه‌ى ئه‌سلاح نزیكه‌ى 50 چه‌كدارو له‌چه‌مى خانه‌قین 30 چه‌كدارى هه‌یه‌، كه‌به‌رده‌وام له‌و ڕێگه‌یانه‌وه‌ كرده‌وه‌ى تیرۆرستى ئه‌نجامده‌دات."به‌نزیكه‌ى 7 كیلۆمه‌تر چه‌كدارانى داعش له‌هێڵ و ناوچه‌كانى پێشمه‌رگه‌ دورن و زیاتر سوپاى عێراق نزیكتره‌ له‌شانه‌ نوستوه‌كانى داعش و به‌هۆى نه‌بونى شاره‌زاى و نه‌بونى توانا سوپا ناتوانن ناوچه‌كه‌ پاكبكه‌نه‌وه‌، سه‌ره‌ڕاى بونى  چه‌م و  دار چڕى له‌ناوچه‌كه‌ كه‌بۆته‌ مۆڵگه‌ى زۆرێك له‌ چه‌كداره‌كان" رائید جه‌لیل محه‌مه‌د واى وت.ئه‌وه‌شیخسته‌ڕو، بۆكه‌مكردنه‌وه‌ى ئه‌و هێرشانه‌ى چه‌كدارانى داعش پێویسته‌ پێشمه‌رگه‌ بگه‌ڕێته‌وه‌ بازگه‌كانى حه‌لوان و په‌لكانه‌ و ده‌وروبه‌رى خانه‌قین، وه‌ پێویستیشه‌ وه‌زاره‌تى پێشمه‌رگه‌ هه‌ماهه‌نگى له‌گه‌ڵ سوپاى عێراق بكات و پێكه‌وه‌ ئۆپه‌راسیۆنى هاوبه‌ش ئه‌نجامبده‌ن به‌تایبه‌ت له‌ گونده‌كانى خواروى خانه‌قین كه‌زۆرینه‌یان دانیشتوانه‌كه‌ى كوردن.








نیشانەکردن



زۆرترین






ڤیدیۆ- وێنە





Trending