هەواڵی کوردستان ئێستا

شەفەق نیوز/ لە رویداویگ کە وە کارەساتبار باسی کریا، خانمە سەرۆکیزانکۆی تەمپڵ وە وەکالەت لە شار فیلادلفیا لە ویلایەت پێنسیلڤانیا، دوای ئەوە کە لە مەوقەی رسومەیل یادکردن لەبان شانۆی زانکۆگە رمیا، وەگورەی بڵاوکردن ڕووژنامەی واشنتۆن پۆست.

ماڵپەڕ زانکۆگە رتگەیانیە، جوان ئیپس (72 ساڵ) ساعەت 3:15 دویای نیمەڕو دویاکووچی کرد، لەمەوقەی بەشداریکردنی لە رسوومەیل یادکردن میژوونویس و کۆڕاتۆر کۆمەڵەی ئەمریکی ئەفریقایی، چارڵز ئێڵ.  بلۆکسۆن کە لە مانگ حوزەیران ساڵ گوزەشتە لە تەمەن ٨٦ ساڵی دویاکووچی کرد.

وەرپرسەیل زانکۆگە لە کۆنگرەیگ رووژنامەوانی راگەیانن؛ ئیپس لە رسوومەیل یادکردنەگە "تویشی نۆرەی ناکاوی هات"، لە وەختیگ چەن ئەندامیگ خیزانەگەی ئامادەبوین.

دانیال دیل پۆرتاڵ، پزیشک و وەرپرس باڵای سیستەم تەندروسی زانکۆی تەمپڵ ئویشێد: "تەقەلایل زنیکردن لە خەسەخانەگە وەردەوام بوی، بەڵام وەداخەو سەرکەفتی نەویین".