هەواڵی کوردستان ئێستا

شەفەق نیوز/  ڤیتامین سی یەکیگە لەو ڤیتامینەیلە دەور گرنگیگ دیرێد لە ناو لەش، چوینکە دژەئۆکسید قایمگە و رویوەڕوی  شەکەتی بوود.

ڤیتامین سی دژە هەستیاریی لەشە و هاوكارە لە قایمکردن كۆئەندام بەرگریی لەش، وەتایبەت لە وەرانوەر بیماریەیل و پەتا وەرزیەگان، هەمیش ڤیتامین گرنگیگە ئەرا بونیاتنان و رێکخستن شانەیل سووقان و پووس.

لە ئەگەر نەخواردن سەوزە و میوە و  جویر لیموو و کێوی و پرتەقاڵ و هەمشیوەیلی، هاتێ ڤیتامین سی لە لەش نەمینێد یان کەمەوبوود، ئێ نیشانەیلە دیاری کەمی ڤیتامین سی کەن لەناو لەش:

1. شەکەتی

2.هەوكردن كۆئەندام هەناسە

3.لەکە و کەوەوبوین پووس

4.دیر خاسەوبوین زەخم

5.هشکەوبوین پووس

6. خوین وەربوین ئالوی

7. زیایبوین كێش وەتایبەت چەوریی زگ

8.کرج و لووچی  پیشوەختە.