هەواڵی کوردستان ئێستا

 

“ڕێگریکردنی خۆکاری” ئاستی نوێی پاراستنی ئامێرەکان دابین دەکات، هەروەها ڕەنگدانەوەی پابەندبوونی بەردەوامی سامسۆنگە بۆ دڵنیابوون لە سەلامەتی و نهێنی بەکارهێنەرانی و پێدانی توانای هەڵبژاردنیان.

 

هەولێر، کوردستان، 31ی تشرینی یەکەمی 2023: کۆمپانیای سامسۆنگ ئەلیکترۆنیکس ئەمڕۆ پەردەی لەسەر Auto Blocker “ڕێگریکردنی خۆکاری” لادا کە ئامرازێکی نوێی ئاسایشیە بۆ بەکارهێنەرانی سامسۆنگ گالاکسی، دیزاین کراوە بۆ ئەوەی ئامێرەکانیان بە شێوەیەک پارێزراو بن کە لەگەڵ شێوازی ژیانیان بگونجێت.

بەرنامەی “ڕێگریکردنی خۆکاری” لەم دواییانەدا لەسەر ڕووکاری One UI 6 بڵاوکرایەوە وەک بەشێک لە کۆمەڵە تایبەتمەندییە داهێنەرەکانی ئاسایش و نهێنی سامسۆنگ، کە پاکێجێکی ئارەزوومەندانە لە ڕێوشوێنی ئاسایشی زیادە دابین دەکات کە بژاردەی زیاتر دەدات بە بەکارهێنەران لەکاتێکدا بەدواداچوون بۆ ئەو خۆڕێکخستنانە دەکەن کە لەلایەن سیستەمە نەرم و نیانەکەی سامسۆنگ گالاکسیەوە پێشکەش دەکرێن.

 

بەهێزکردنی بەکارهێنەران بۆ هەڵبژاردن

دکتۆر سیونگون شین، جێگری سەرۆک و سەرۆکی تیمی ئاسایش لە یەکەی بازرگانی ئەزموونی مۆبایل لە کۆمپانیای سامسۆنگ ئەلیکترۆنیکس، ڕایگەیاند: “لە سامسۆنگ بەردەوام هەوڵدەدەین ئاسایشی بەکارهێنەرانمان لە بەرامبەر هێرشە ئاسایشیەکان بەرز بکەینەوە، و لەگەڵ هێنانەکایەی تایبەتمەندی “ڕێگریکردنی خۆکاری”، ئێستا دەتوانن بەردەوام بن لە چێژوەرگرتن لە سوودەکانی سیستەمە نەرم و ئاسانەکەمان، هاوکات دڵنیابوون لە متمانە کە ئەزموونی مۆبایلەکەیان پارێزراوە. ئێمە پابەندین بە بەهێزکردنی بەکارهێنەران بۆ ئەوەی کە ئەو پێداویستییە کەسییانە هەڵبژێرن کە ژیانیان بۆ دابین دەکات، و “ڕێگریکردنی خۆکاری” لەگەڵ ئەم ڕێباز و ئاراستەیەدا هاوتەریبە”.

یەکێک لە تایبەتمەندییەکانی “ڕێگریکردنی خۆکاری” بریتییە لە ڕێگریکردن لە دامەزراندنی بەرنامە نەناسراوەکان و لە سەرچاوەی ڕێگەپێنەدراوەوە کە بە “دابەزاندنی لایەنی” ناسراوە. لە کاتێکدا هەڵبژاردنی تایبەتمەندی “دابەزاندنی لایەنی” چەندین سوودی وەک باشترکردنی خۆکارکردن و کۆنترۆڵکردنی کارەکانی ئامێرەکە دابین دەکات؛ ئەو کەسانەی ئەم تایبەتمەندییەیان پێ باشترە، تووشی هیچ گۆڕانکارییەک نابن چونکە تایبەتمەندییەکە بە شێوازی پێشوەختە لەکارخراوە. لە کاتێکدا چالاککردنی “ڕێگریکردنی خۆکاری” دەتوانێت ئاسوودەیی بدات بەو بەکارهێنەرانەی کە خوویان بە بارکردنی لایەنی یان خۆکارکردنی بەرفراوانی ئامێرەکانیان نەگرتووە؛ بە وەستاندنی ئەو هێرشانەی کە تەکنیکەکانی ئەندازیاری کۆمەڵایەتی وەک تەڵەکە بەکاردەهێنن، کە هێرشبەران دەتوانن بەکارهێنەران ڕازی بکەن بۆ دابەزاندنی بەرنامەی زیانبەخش.

هەروەها “ڕێگریکردنی خۆکاری” کۆمەڵێک کۆنترۆڵی زیادەی لەخۆگرتووە، لەوانە بەڕێوەبردنی پشکنینی ئاسایشی بەرنامەکان بۆ یارمەتیدانی دۆزینەوەی بەرنامەی زیانبەخش، و بلۆککردنی فەرمانە زیانبەخشەکان و دامەزراندنی بەرنامەکان لە ڕێگەی کەیبڵی USB. ئەمەش دەتوانێت یارمەتیدەر بێت بۆ پاراستنی بەکارهێنەران لەو بارودۆخانەدا کە کەسێک دەستی بە ئامێرەکەی بگات، وەک لە کاتی بارگاویکردنەوەی مۆبایل لە فڕۆکەخانە.

جگە لەوەش نوێکردنەوەیەکیش هەیە بۆ بەرنامەی Message Guard کە هێرشەکانی سفر کلیک سنووردار دەکات، یان پەیامی وێنەی

ڕاستەوخۆ کە کۆدی زیانبەخش دەشارێتەوە. سەرەتا بۆ بەرنامەکانی ناردنی نامە لە گووگڵ و سامسۆنگەوە دەستیپێکرد، ئێستاش دەتوانێت یارمەتی پاراستنی ئەو بەکارهێنەرانە بدات کە بەرنامەی لایەنی سێیەم[1] بەکاردەهێنن. بەم شێوەیە بەکارهێنەران هەڵبژاردەیەکی فراوانتریان هەیە لە بەرنامەکان کە دەتوانن بە سەلامەتی بەکاریان بهێنن.

بەهێزکردنی پیشەسازی بە پێوەری نوێی سەلامەتی

سامسۆنگ پابەندە بە دابینکردنی پارێزراوترین ئەزموونی مۆبایل بۆ بەکارهێنەرانی گالاکسی و “ڕێگریکردنی خۆکاری” ئەم ڕێگایە بەرەوپێش دەبات بە تێکەڵکردنی پێوەرە ئاسایشیەکانی پێشەنگی پیشەسازی لەگەڵ هەڵبژاردنی بەکارهێنەر بۆ ئەوەی ڕێگە بە کڕیاران بدات بە شێوازی خۆیان ئامێرەکانیان کۆنتڕۆڵ بکەن. چونکە نوێترین تایبەتمەندیە کە زیادکراوە بۆ کۆمەڵەی داهێنانەکانی ئاسایش و تایبەتمەندی سامسۆنگ؛ تایبەتمەندی “ڕێگریکردنی خۆکاری” ئەزموونی مۆبایل بۆ بەکارهێنەران لە سەرانسەری سیستەمی گالاکسی باشتر دەکات.

ئێستا “ڕێگریکردنی خۆکاری” لەسەر ئامێرەکانی سامسۆنگ گالاکسی کە گونجاون لەگەڵ One UI 6 بەردەستە.

 

-کۆتایی-

 

دەربارەی کۆمپانیای سامسۆنگ بۆ ئامێرە ئەلیکترۆنییەکان

سامسۆنگ ئیلهام بەخشە بۆ جیهان و داهاتوو وێنا دەکاتەوە بە بیرۆکەی گۆڕانکاری و تەکنەلۆژیاکان، و کۆمپانیای سامسۆنگ کار دەکات لە دووبارە داڕشتنەوەی جیهانی ئامێرەکانی تەلەفزیۆن و مۆبایلە هۆشمەندەکان و ئەو ئامێرانەی کە دەکرێن بە جەستەی مرۆڤەوە، و تابلێت و ئامێری دیجیتاڵی ناوماڵ و سیستەمی تۆڕ و بیرگە و سیستەمی LSI و ڕووناکی LED. بۆ بەدەستهێنان و خوێندنەوەی نوێترین هەواڵەکان دەتوانن سەردانی ژووری هەواڵەکانی سامسۆنگ بکەن لەم بەستەرە: https://news.samsung.com/mena

 

 

---

[1] Messenger, Telegram, KakaoTalk, WhatsApp