نوێنەری نەتەوە یەكگرتوەكان: 400 كەس لە خۆپیشاندانەكانی عێراق كوژراون
2019-12-03 00:00:00 - سەرچاوە: خەندان
خەندان-
كەمێك پێش ئێستا، نوێنەری تایبەتی سكرتێری گشتی نەتەوە یەكگرتوەكان لە عێراق رایگەیاند،" 400 كەس لە خۆپیشاندانەكانی ئەم دواییەی عێراق كوژراون.
تائێستا تەقە لەخۆپیشاندەرانی عێراق دەکرێت و تائێستاش 400 خۆپیشاندەر کوژراون
لەمیانەی کۆبونەوەی ئەنجومەنی ئاسایشی نێودەوڵەتی لەبارەی عێراق، جێنین هێنیس نوێنەری تایبەتی نەتەوە یەکگرتوەکان لەعێراق رایگەیاند، تائێستا تەقە لەخۆپیشاندەرانی عێراق دەکرێت و تائێستاش 400 خۆپیشاندەر کوژراون.
هیچ پاساوێک بۆ کوشتنی خۆپیشاندەران نیە
هێنیس پشتگیری خۆی بۆ خۆپیشانداندەرانی عێراق دوپاتکردەوە و رایگەیاند، هیچ پاساوێک بۆ کوشتنی خۆپیشاندەران نیە.
نوێنەری نەتەوە یەکگرتوەکان لەعێراق راشیگەیاند پەیوەندییەکانی نێوان هەولێر و بەغداد زۆر باشن و لەهەوڵدان بۆ چارەسەرکردنی پرسە هەڵپەسێردراوەکانی نێوانیان.
وتیشی، چەندین بڕیار و بەڵێن بەخۆپیشاندەران دران، بەڵام جێبەجێنەکران ئەوەش هۆکاری بەردەوامی خۆپیشاندانەکان بو لەعێراقدا.
ئاشکراشیکرد، چەندین تێکدەر و دەستی دەرەکی دەیانەوێت بچنە ناو خۆپیشاندانەکانەوە.
