هەواڵی کوردستان ئێستا

شەفەق نیوز/ دەسەی باڵای تەندروسی وسەڵامەتی نیشتمانی ئمڕو دوشەممە ئاشکەرای دەسپیچگەیل ک هیشت بڕیار هەڵگردن قەیەغەی بەشی لە هاتوچو بیریەی، لەبان ترسانن ریکخراو تەندروسی جیهانیش.
جاسم ئەلفەلاحی ئەندام دەسەگه ووەکیل وزارەت تەندروسی ئەرا شەفەق نیوز وت ک لجنەی باڵای تەندروسی وسەڵامەتی بڕی بڕیار ئەنجام دا لەبان کەم کردن بەشی لە قەیەغەی هاتوچو تا مەردمەیل دەرچن ئەرا جیوەجی کردن پەیوستیەیل گرنگیان وسەنین داواگانیان لە بازاڕ لە مانک رەمەزان.
وتیش ئی بەشه قەیەغه وەگورەی بڕیار لە ساعەت 7 ئیوارە دەس وەپی کەێد، وئەوەسە کار کەیمن ئەرا سزادان ئەوانەگ قەیەغه شکنن وەگورەی یاسا.
وفەلاحی داوا کرد لە هاوڵاتیەیل پاوەند بوون وە رینمایەیل دەسەی باڵا ووزارەت تەندروسی وبەشە هەڵگردن قەیەغەگه نەخەنه پەی بەرژەوەنی کەسایەتی وزوریان بخنه بان شتەیل گرنگ تا تویش وە ڤایرۆس کۆرۆنا نەون.
ودەسەی باڵای تەندروسی وسەڵامەتی نیشتمانی لە عیراق دویەکە یەکشەممە، بڕیار هەڵگردن قەیەغەی هاتوچو لە مانگ رەمەزان لە ساعەت شەش شەوەکیان تا هەفت ئیواران داد، وغەرامەی 50 هەزار لە بان ئەوانەگ دەمامک وەکار نیارن.
ودیوکە یەکشەممە وەزارەت تەندروسی عیراق ئاگادار کرد لە بەرزبوین خێرایگ لە شمارەی تویشهاتیەیل ڤایرۆس کۆڕۆنا، وەهوی شکانن قەیەغەی هاتوچو ک هیشت ڕیەیل پر بوون لە ماشین و ماتور وبڕی لە دوکانەیل بازرگانی ومۆل بکریەنەو.
وزارەتەگەیش ئاماژە کرد وە ئاگاداریەگان ریکخراو تەندروسی جیهانی دوبارە کریاگ وە ترسانن لە کەم کردن کاروبار تەندروسی ک کریاگه ئەرا کونترۆڵ کردن پەتاگە وەرجە تەئکید کردن لە تەوا کونترۆڵ لە بان بەڵاوبوینی.