هەواڵی کوردستان ئێستا

شەفەق نیوز/ سەرچەوەیگ ناوخوەیی، ئمڕوو شەممە، خەوەردا لە کوشیان و زەخمداری ٥ کەس دوو مناڵ هاناویان، لە ئەنجام رمیان ماڵیان لەوەر واران لە ناوڕاس شار عمارە ناوەند پارێزگای میسان.

سەرچەوەگە ئەرا ئاژانس شەفەق نیوز وت: دوو مناڵ گیانیان لەدەس دان و باوگ و داڵگ و برایگیان زەخمداری سەختیگ بوین لە ئەنجام رمیان ماڵیان لەوەر رفتی وارانەگە لە ناوچەی حەی قادسیە ناوڕاس شار عمارە.

سەرچەوەگە وتیش: تیمەیل وەرگیری شارستانی رەسینە شوین رویداوەگە و دوو تەرمەگە دراوردن و زەخمدارەیلیش ئەرا خەسەخانە بردن.