شەفەق نیوز/ وەڕێوەبەرایەتی ئاوەڕۆی نەینەوا، ئمڕوو شەممە، چارەسەرکردن لافاوەیلە راگەیان کە شار موسڵ گردوێد، لە ئەنجام واران وارین رفتیگ کە بویە هووکار شەپوولیگ لافاو.

وەڕێوەبەرایەتیەگە لە بەیاننامەیگ رەسیە ئاژانس شەفەق نیوز وت "وارانەگە تونیەگەی مامناوەند تا رفت بوی و  بەڵاچەیش وەردی بوی گاجاریگ تەرزەیش وەردی واری".

ئاشکەرایکرد "شەو جومعە لافاو هاتە ناو شار موسڵ لەلای باکوور خوەرهەڵات و باکوور خوەرئاوا، بویە مدوو لافاو و پەنگخواردن ئاو لەبڕیگ ناوچەیل".