شەفەق نیوز/ پارێزگای دیالە، ئمڕوو سێشەممە، رمیان بەشیگ لە بینای سەرای ئاسەواری کویەن وەخوەی دی لە ناوڕاس شار بەعقوبە.

پەیامنێر ئاژانس شەفەق نیوز وت، "بینای سەرای ئاسەواری کویەن وە دیارترین شوینەوارەیل مێژوویی و ئاسەواری دانرێد لەناو شار بەعقوبە کە لە سەردەم عوسمانیەگان دروسکریایە، بەش بانەگەی لە نهۆم دویەم رمیاس".

وتیش "رمیان بەشیگ لە بیناگە ئاشکەراس زەرەد وە بینا کوقگیەنەگە رەسنێد و حکومەت هویچ رێکاریگ وەرنەگردیە ئەرا دووارە نووەوکردنی هەرچەن داوا لە بازنەی رووشنهویری دیالە کریایە لەماوەی دەیەی وەرین".

دیاریکرد "بیناگە وەلایەن دەزگای رووشنهویری و لەلی ماڵ رووشنهویری کار لەناوی کردنە وەرد دامودەزگا و رێکخریاگ و سەندیکای کۆمەڵایەتیەگان".