هەواڵی کوردستان ئێستا

شەفەق نیوز/ سەرچەوەیگ ناوخوەیی لە پارێزگای ئەنبار، ئمڕوو شەممە، خەوەردا لە رمیان بەشیگ لە پیەڵ ئاسنین فەلوجە کە هالەژیر بیناکردن لەئەنجام بویە هووکار زەخمداربوین شمارەیگ کراکار و نوقومبوین یەکیگ لە ماشینەیل، یەیش وەرجە وازکردنی وە چەن رووژیگ.

سەرچەوەگە وە ئاژانس شەفەق نیوز وت، رمیان بەشیگ لە پیەڵ ئاسنین کوینەی شار فەلوجە مەوقەی پرۆسەی نووەوکردنی بویە هووکار زەخمداربوین سێ کەس و نقومبوین ماشینیگ تایوەت وە قیرتاوکردن لەناوڕاس چەم فورات.

سەرچەوەگە وتیش، پەیلەگە فەلوجە وە شار رەمادی رەسنێد ناوەن پارێزگای ئەنبار، ناسریاگە وە ری رەمادی کوینە، هووکار رمیان بەشیگ لە پیەڵەگە چوودەو ئەرا رەدبوین بارهەڵگر وەبانی.