سێیەمین پێشانگای بازاڕ گەشتیاری عراقی لە بەغداد دەسوەپی کەێد
پێشانگاگە دەسوەپیکریاس و ماوەی دوو رووژ وەردەوام بوود وە بەشداری ناوخوەیی و عەرەبی و جەانی "فراوانیگ" لە کۆمپانیای فرۆکەوانی، و کۆمپانیاگان گەشتوگوزار، و هۆتێل، و سیستەم و پلاتفۆرم حجزکردن گەشتوگوزاری، لە پارێزگا جیاوازەیل عراق و هەرێم کوردستان.
لە پێشانگاگە شمارەیگ لە بالیۆزەیل وڵاتە عەرەبیەیل و بیانیەیل بەشداریکردن، وەگەرد پسپۆرەیل ئکادیمی، و وەڕێوەبەر کۆمپانیایەیل، و رێکخریاگەیل تایوەت وە مژار گەشتوگوزار و ئابووری لە کرت تایوەت.
لەی بارەو رێکخەر راگەیانن پێشانگاگە وسام ئەلحلوو وە ئاژانس شەفەق نیوز وت، پێشانگاگە ئمڕوو دەسوەپی کرد نوێنەراەتی خاڵی پەیوەنی گەشتوگوزار کەێدلە مژار پێشانگایەیل ناوخوەیی و دەێشت و رۆل عراق بەرزەوکەێد لەبان ئاست عەرەبی و جەهانی.
وتیش "ئمڕوو کارکەیمن ئەرا رووشنایی خستنە بان عراق جویر رویگ گەشتوگوزار گرنگ لە خوەرهەڵات ناوڕاس و ئەوزەڵداین وە گەشتوگوزار ئاسەواری و رووشنهویری و مەزارگەیل پیرۆز بان زەوی رافیدەێن".
هەمیش دیاریکرد، "پێشانگاگە بڕگەیلی تایوەت کردیە ئەرا برنامەیل ئەوزەڵداین لە پێناو رووشنکردن تەواو لە میکانیزم ئاسانکاری ڤیزای ئەلکترۆنی ئەرا چگنە ناو عراق ئەرا عەرەب و بیانیەیل".
