هەواڵی کوردستان ئێستا

شەفەق نیوز/ وەرپرسیگ ئەمریکی، ئمڕوو دووشەممە، راگەیان کە “فرۆکەیگ جەنگی هاوپەیمان ناودەوڵەتی مووشەکهەڵگریگ ویران کرد “ئەرا وەرگریکردن لە خوەی، دویای ئەوەگ خەوەرەیل باس لە پەلاماریگ مووشەکی شکستخواردگ لە نزیک بنکەیگ هاوپەیمانی لە سوریا کەن، وتیش “هویچ سەربازیگ زەخمدار نەویە. ”

پەلامار وەبان هیزەیل ئەمریکا، یەکەم پەلامارە لە سەرەتای مانگ شوباتەو، کە باڵە هاوپەیمانەیل ئیران لە عراق پەلامار لەبان هیزەیل ئەمریکا وسانن.

 یەیش لە وەختیگ کە لیوایل حزبوڵلا لە عراق دەسکردن وە پەلامارەیلی وەبان هیزەیل ئەمریکا راگەیان يەیش لەئەنجام نەوین پبشکەفتن وەرچەو لە دانوسەنین وە ئامانج کیشانەوەی هیزەیل ئەمریکا لە سەردانەگەی محمد شیاع سودانی ئەرا واشنتۆن، وەگورەی ئاژانس ڕۆیتەرز.

فراکسیۆنە چەکدارەیل لە بەیاننامەیگ لە تەلەگرام وتن؛ "ئەوەگ لەی ناوەی کەمە   هیمان سەرەتایە"، یەیش جویر نشانەیگ ئەرا پەلاماریگ کە دیروەخت دویەشەو یەکشەممە، وە چەن مووشەکیک لە باکوور عراقەوە رویدا، وەبان بنکەیگ کە هیزەیل ئەمریکی هاناوی لە سوریا.

لە بەیاننامەی شانەی راگەیانن ئەمنی عراق هات کە هیزە ئەمنییەیل لەناو کەرت ئۆپەراسیۆنەیل خوەرئاوای نەینەوا، لە نزیک سنوور عراق و سوریا، “دەس وە ئۆپەراسیۆنیگ فراوان کرد لەبان ئەو توخمەیل لە یاسا دەرچگە کە کردنە ئامانج، لە ساعەت 21:50 رووژ یەکشەممە، کەسەیلیگ دەیشتەکی پەلامار بنکەی هاوپەیمان ناودەوڵەتی وە شمارەیگ مووشەک لە قویلایی خاک سوریا جیوەجی کردنە.