هەواڵی کوردستان ئێستا

شەفەق نیوز/ دەسەی کەشناسی عراق، ئمڕوو سێشەممە، مەزەنەی کەشوهەوای وڵاتەگە ئەرا ئی رووژەیل بانانە بڵاو کرد، و باس خوەڵوتووز و بەرزەوبوین پلەی گەرمی کرد.

دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە ئەرا سوو سێشەممە، رووشنە وەگەرد لەکە ئەوریگ، و وا لە مەوقەی رووژ لە بەشەیل خوەرهەڵات لە ناوچەی ناوڕاس و باشوور گورجەو بوود، کە خوەڵوتووز وەگەرد خوەی تیەرێد، و پلەی گەرمی لە ناوچەی ناوڕاس نزیک رووژ وەرجە خوەیە، و لە ناوچەی باکوور و باشوور کەمیگ بەرزەو بوود.

وتیش: رووژ چوارشەممە، وەگشتی رووشنە وەگەرد لەکە ئەوریگ، و وا لە بەشەیل خوەرهەڵات لە ناوچەی ناوڕاس و باشوور گورجەو بوود، کە خوەڵوتووز وەگەرد خوەی تیەرێد، و پلەی گەرمی لە گشت ناوچەیل کەمیگ بەرزەو بوود.

   

دیاری کرد کە رووژ پەنجشەممە، وەگشتی رووشنە وەگەرد لەکە ئەوریگ، و پلەی گەرمی کەمیگ بەرزەو بوود.

 

دەسەگە وتیش: کەشوهەوای وڵاتەگە ئەرا رووژ جمعەی ئایندە، وەگشتی رووشنە وەگەرد لەکە ئەوریگ، و پلەی گەرمی نزیک رووژ وەرجە خوەیە.