شەفەق نیوز/ دەزگای ئاسایش نیشتیمانی پارێزگای میسان، ئمڕوو سێشەممە، وت لەدویای وەرگردن رەزامەنی دادگا مەفرەزەیلیان توەنستنە  تووڕیگ پویچەوبکەن کە کارەیل چزداین و هەڕەشە کردنە لە  (5) توومەتبار پێکهاتنە و ژنیش هاناویان.

 

دەزگاگە ئمڕوو لە بەیاننامەیگ راگەیان، "لەدویای رویوەرویکردن تووڕەگەوە بەڵگەیل لەمەوقەی لێکۆڵینەوە ئەندامەیلی دان وە کارەیلیان دانانە کەکەسایەتیەیل ناسریاگ  و خاوەن دوکانەیل بازرگانی و سەنتەرەیل جوانکاری وە ئامانج گردنە و چزیان دانە و هەڕەشە لەیان کردنە ئەرا وەرگدن بڕە پویلیگ لەلیان".

لە بەیاننامەگە وتیش "توومەتبارەیل ئەرا دەسڵات دادوەری کلکریانە تا سزای دادپەروەرانەی خوەیان وەربگرن".