هەواڵی کوردستان ئێستا

شەفەق نیوز/ کەشناس سادق عەتیە، ئمڕوو چوارشەممە، هووشداریدا لە واران وارین رفتیگ لە شارەیل عراق لە ئەنجام کەشوهەوایگ وەهاری  کە لە نیمەی هەفتەی ئایندە دەسکەێدە کاریگەریەگانی و تا چەن رووژیگ وەردەوم بوود.

عەتیە لە پۆستیگ لەبان تووڕ کۆمەڵایەتی "فەیسبووک" وت، کەشوەوای ناجیگیر  لە ئیوارەی رووژ دووشەممە 29/4  دەسوەپی کەێد و تا شەوەکی رووژ  جمعە  3 - 5 - 2024وەردەوام بوود.

وتیش، کەشوهەوای واراناوی وەهاریەگە هەوەجە وە هووشداری و ئاگاداربوین کەێد لە بڕیگ شار تا ئیسە  نیشانەیلیگ هەس ئەرا دەرفەت واران وارین رفتیگ لە بریگ شار لەو ماوەی باسکریاگ.

عەتیە وتیش، ئیرنگە تیشک هابان شارەیل باشوور و ناوڕاس و خوەرئاوا وەپای سروشتەگەی پالەپەستۆ نزمەگە دویزەوکەیدە بان چینەیل بان و لویتکەی کاریگەریەگەی لە  2/5 و ئەو ئاڵشتبوینەیلە تێد.